Hoxe 5 de xuño de 2018, despedimos en Ourense á nosa camarada Marisa Lorenzo, nai mestra, comunista e incansable loitadora sempre ao carón do seu compañeiro Manolo Peña-Rey.
Case 50 anos de militancia e compromiso distan daquel día no que detiveron ao Comité Provincial do PCG de Ourense entre os que estaban Manolo Peña-Rey, Carlos Barros, Camilo de Dios e Sergio Sandoval entre outros. Foran detidos por opoñerse ao cobro da cuota láctea aló polo ano 70. Marisa preñada de Isabel e con Helena que tiña un aniño, non dubidou en sentar diante do cárcere para reclamar a inmediata posta en libertade dos detidos.
Muller sabia, bondadosa e cariñosa, amiga das súas amigas, cun sentido do humor extraordinario e cun sentido da responsabilidade que lle levou a ser un piar fundamental a carón e na loita que o seu compañeiro e camarada Manolo desenvolveu durante a clandestinidade.
Camarada, que a terra che sexa leve.
